O ente público Portos de Galicia, en cumprimento do disposto na Lei 48/2003, do 26 de novembro, de réxime económico e de prestación de servizos dos portos de interese xeral, aplicable aos portos de competencia da Comunidade Autónoma de Galicia en defecto de lexislación autonómica propia, elaborou unha nova modificación do plan de utilización dos espazos portuarios de Sada, redactada en xuño de 2008.

Este documento sométese a información pública, para que as persoas ou entidades interesadas poidan presentar por escrito as reclamacións ou alegacións que consideren oportunas, dispoñendo para isto do prazo dun mes contado a partir da data da publicación deste anuncio.

As devanditas reclamacións poderán ser presentadas nas oficinas dos servizos centrais deste ente público, situadas na praza de Europa nº 5 A, 6º, do polígono das Fontiñas de Santiago de Compostela, ou ben nas oficinas da zona centro de Portos de Galicia, avda. Alférez Provisional 5-1º, da Coruña, onde se poderán tamén examinar os documentos correspondentes, durante o prazo indicado e nos días hábiles das 9.00 ás 14.00 horas.

Santiago de Compostela, 16 de xuño de 2008.
Jacinto Parga Fernández
Presidente de Portos de Galicia