Resolución do 16 de abril de 2008 pola que se somete a información pública o Plan Director das Instalacións Náutico Deportivas de Galicia.
Resolución de 16 de abril de 2008 por la que se somete a información pública el Plan Director de las Instalaciones Náutico Deportivas de Galicia.
O ente público Portos de Galicia, en cumprimento do disposto na Lei 48/2003, do 26 de novembro, de réxime económico e de prestación de servizos dos portos de interese xeral, aplicable aos portos de competencia da Comunidade Autónoma de Galicia en defecto de lexislación autonómica propia, elaborou o Plan Director das Instalacións Náutico Deportivas de Galicia.
En cumprimento do artigo 10 da Lei 9/2006, do 28 de abril, de avaliación sobre os efectos de determinados plans e programas no ambiente, e do documento de referencia emitido pola Dirección Xeral de Desenvolvemento Sostible da Consellería de Medio Ambiente e Desenvolvemento Sostible, é de obrigado cumprimento na fase de consultas poñer a disposición do público a versión preliminar do plan, incluíndo o informe de sustentabilidade ambiental (ISA).
Polo exposto o Plan Director das Instalacións Náutico Deportivas de Galicia, xunto co informe de sustentabilidade ambiental (ISA), sométese a información pública, para que as persoas ou entidades interesadas poidan examinar o documento e formular as observacións que consideren oportunas, para o cal dispoñerán dun prazo sesenta (60) días contado a partir do día seguinte á publicación deste anuncio no Diario Oficial de Galicia.
As devanditas observacións poderán ser presentadas nas oficinas dos servizos centrais deste ente público, e nas oficinas territoriais, Zona Norte (Lugo), Centro (A Coruña) e Sur (Pontevedra), onde se poderán tamén examinar os documentos correspondentes, durante o prazo indicado e nos días hábiles das 9.00 ás 14.00 horas.
Para os efectos informativos, indícase que os enderezo, das catro oficinas de Portos de Galicia onde se poderá acceder ao documento, son os que se relacionan a seguir:
Servizos centrais: praza de Europa, nº 5 A, 6º, do Polígono das Fontiñas-Santiago de Compostela.
Zona norte: r/ Nicomedes Pastor Díaz, 13-1º-Lugo.
Zona centro: avda. Alférez Provisional, 5-1º-A Coruña.
Zona sur: r/ Benito Corbal, 37-3º- Pontevedra.
Santiago de Compostela, 16 de abril de 2008.
Jacinto Parga Fernández
Presidente de Portos de Galicia
|
