Cédula do 26 de setembro de 2007 pola que se somete a información pública o proxecto básico de instalacións para a navegación recreativa no porto da Toxa, situado no concello do Grove, provincia de Pontevedra, e promovido pola entidade Gestora Inmobiliaria La Toja, S.A.
Cédula de 26 de septiembre de 2007 por la que se somete a información pública el proyecto básico de instalaciones para la navegación recreativa en el puerto de A Toxa, situado en el ayuntamiento de O Grove, provincia de Pontevedra, y promovido por la entidad Gestora Inmobiliaria La Toja, S.A.
O 6 de xullo de 2007, o presidente de Portos de Galicia acordou a adxudicación do concurso aberto para a selección dunha oferta para a tramitación dunha concesión de ocupación de dominio público portuario no porto da Toxa para a construción e explotación de instalacións para a navegación recreativa, a favor da entidade Gestora Inmobiliaria La Toja, S.A., autorizando o inicio da tramitación correspondente de acordo co previsto na lexislación vixente en materia de concesións no dominio público marítimo terrestre.
Polo que, de acordo coa lexislación vixente, faise público o Proxecto básico de instalacións para a navegación recreativa no porto da Toxa, Pontevedra subscrito en maio de 2007 polo enxeñeiro de camiños, canles e portos Javier Sopelana Peralta para que entidades, corporacións ou particulares interesados poidan presentar por escrito as reclamacións que consideren oportunas, no prazo de trinta (30) días hábiles, contados a partir do seguinte ao da publicación deste anuncio no Diario Oficial de Galicia, nos servizos centrais do ente público Portos de Galicia, sito na praza de Europa, 5A-6º, polígono das Fontiñas, 15707 Santiago de Compostela, onde poderán examinar a documentación correspondente durante o prazo indicado e nos días hábiles de nove a catorce horas.
Santiago de Compostela, 26 de setembro de 2007.
Jacinto Parga Fernández
Presidente de Portos de Galicia |
